Tesla шинэчлэгдсэн Model Y загвараа Хойд Америкт танилцуулна
Tesla компани 2025 оны 3-р сарын дундуур шинэчлэгдсэн Model Y загвараа Хойд Америкийн зах зээлд худалдаанд гаргах гэж байна. Шинэ Model Y нь өмнөх загвараасаа илүү сайжирсан бөгөөд хэрэглэгчид илүү өндөр гүйцэтгэл, аюулгүй байдал, сүүлийн үеийн технологийг мэдрэх боломжтой болж байна.
Model Y-ийн шинэ загвар нь өмнөх загварынхаас илүү аэродинамик, урт хэлбэртэй кузовтой болсон. Энэ нь агаарын эсэргүүцлийг багасгаж, хурдтай явахад асуудалгүй болсон гэсэн үг.
Шинэ Model Y нь Tesla-ийн хамгийн сүүлийн үеийн Autopilot болон Full Self-Driving (FSD) технологи дээр суурилсан. Түүнчлэн тус машинаас нэмэгдсэн цахилгаан хадгалах багтаамж, хурдтай холбодог дэвшилтэт технологи нь хэрэглэгчдийг сэтгэл хангалуун байлгах боломжийг бүрдүүлж байна.
Шинэ Model Y-ийн суурь үнэ нь 60,000 ам.доллар гэсэн урьдчилсан таамаг гарсан бөгөөд энэ нь тухайн үеийн зах зээлийн нөхцөл байдлаас хамаарч өөрчлөгдөж магадгүй гэнэ. Үүнээс гадна цахилгаан машины ашиглалтын зардал бага, эрчим хүчний хэмнэлттэй, байгаль орчинд ээлтэй байх нь хэрэглэгчдийн анхаарлыг татах том давуу тал болж байна. Tesla-ийн энэ шинэ Model Y загвар нь цахилгаан автомашины салбар дахь өрсөлдөөнийг улам хүчтэй болгож, хэрэглэгчдэд илүү өндөр чанартай, ухаалаг шийдлүүдийг санал болгохоор зорьж байгаа юм.
