Samsung дэвшилтэт AI туслахтай шинэ загварын утсыг танилцууллаа
Samsung Electronics хамгийн сүүлийн үеийн, сайжруулсан хиймэл оюун болон тусгай чипээр тоноглогдсон Galaxy S25 загварын ухаалаг гар утсаа танилцууллаа. Өнгөрсөн жил “Samsung” компани S24 загвар дээр Galaxy AI буюу хиймэл оюун ухааны функцийг нэвтрүүлсэн. Харин энэ удаагийн шинэ цуврал нь хиймэл оюуны функцийг хэрэглэгчийн ухаалаг хувийн туслах болгоход түлхүү анхааран бүтээгээд буй.
“Samsung”-ийн S25 загварын цуврал нь S25, S25+, S25 Ultra зэрэг гурван хувилбартай худалдаанд гарч байгаа аж.
Galaxy S25 загвар 799 ам.доллар, Galaxy S25+ загвар 999 ам.доллар, Galaxy S25 Ultra загвар 1299 ам.долларын үнэтэй зах зээлд нэвтэрч байна. Уг загварын урьдчилсан захиалга эхэлсэн бөгөөд энэ оны хоёрдугаар сарын 17-ноос худалдаанд гарч эхлэх юм.
Galaxy AI-ийн шинэчлэгдсэн хувилбарын тусламжтайгаар хэрэглэгч өөрийн дуртай хөл бөмбөгийн багийн тоглолтын хуваарийг олж, өөрийн хуанлидаа нэмэх, өөрт ойрхон байршилтай зоогийн газар зэргийг асууж, мөн тодорхой харилцагч руу илгээх зэрэг үйлдлийг хийх боломжтой байна.
